Fin di Februari tin e oportunidad pa paga e mita aña di plachi number di vehiculo di motor

Minister di Finansas Sra Xiomara Maduro dialuna mainta a toca e tema di e polemica di plachi number di auto cu tabata un topico den comunidad unda e conferencia di DIMP relaciona con e pago mester ta y tur hende sa cu fin di Januari ta e ultimo dia pa paga e prome mitar y na fin di Juni mester tin e otro mita di aña paga.

Tur aña tin e discucion cu manera aña habri y fin di aña tin hopi gasto y ora aña habri tin cu cumpli cu e deber akinan y ta bin e critica hunto cune. E aña aki sinembargo e pago di number di auto hunto cune no por realisa e entrega di e plachi di number y mas cu claro ta treciendo un polemica. Esaki no ta kita afo e obligacion cu nos tin, si bo ta haci uso di un vehiculo di motor y nos sa cu tin cu cumpli cu e pago y pa evita e discusionnan cu a bin dilanti ta haci e anuncio cu ta bin un cambio y ta permiti pa paga e mitar di aña 2020 te cu na fin di Februari y dia 28 Februari ta bira e ultimo dia pa paga e mitar aña di plachi number di vehiculo di motor.

 

Minister di Finansas Sra Maduro a menciona e pagamento di online hopi hende ta haciendo uso di esaki y cu esaki a haci cambio chikito y e comprobante di pago cu ta asina cu bo mester tin e comprobante di pago pasobra tin personanan cu ta paga pa e aña aki y aña pasa e no a paga su impuesto di vehiculo di motor y mas cu claro ora di bay busca number di auto ta bira un problema y pa evita tur e parti aki y e convinencia di bay bek e ora ey e solucion ta hinca cu bo por manda un mail na esnan cu a haci pago online y den cual den e mail bo ta skirbi bo nomber, persoon nr y nr di auto y un snapshot di e pago. Manera cu manda esaki na info@impuesto.aw e ora ey bo ta ricibi bo comprobante di pago y na momento cu e plachi di number ta na Aruba por bay y busca bo number. E plachinan di number ta na caminda pa Aruba y na maart lo keda reparti.

Comments

comments