E aña ta yegando su final. Ta bay tin kerstdinner, pero si mester para keto ariba nos salud. Sr. Gino Goeloe, director di Wit Gele Kruis ta amplia.
Tin hopi pashentnan cu presion halto y diabetico. P’esey Wit Gele Kruis ta na altura cu e persona tin di bay su cena di pasco y ta dal su bebida. Pero ta bon pa haci esaki na un manera modera. E sucu ta den tur producto. Pero nos tin cu lag’e para, den e caso aki, tur cos dushi, manera bolo, conserve mester baha man na esey. Vooral e diabeticonan cu nan sucu ta halto caba y esey nan ta ripara den e temporada aki, ta wak cu e ta bay full for di man, cu e pashentnan no ta tene nan mes na e bida saludabel. Y den e caso aki ta come hopi sucu y e sucu no ta regula mas. Y ora e sucu no ta regula mas, y e ora ta haya e problemanan cu bo wowo. E problemanan cu bo pia, nervio di bo pia, problema cu riñon y asina por sigui menciona tur e complicacionnan cu’n persona diabetico por haya si e no tene su mes na un bida saludabel. Y p’esey Wit Gele Kruis ta bisa cu e persona mester tene su mes na e dieta cu nan ta haya for di POH of e trahadonan di Wit Gele Kruis.
Un ham tambe ta basta salo y mester come esaki modera. E salo ta hisa e presion cu ta hiba un persona na un atake di curason of celebral. P’esey Wit Gele Kruis ta pidi pa bay cu cautela. Y esunnan cu ta sufri di presion, mester corda bebe nan pildo. Por ripara cu hopi pashent den e temporada aki no ta bebe nan remedi, ya cu nan lo ta sinti nan curpa bon. Nan kier fiesta pero den e fiesta ey, e personanan por haya un atake celebral of di curason. Por ripara cu fin di aña ta pashentnan cu a haya ataca di curason of celebral y tambe diabeticonan cu no ta cuida nan curpa, cu hasta por bay den coma den e caso aki. Esaki ta loke Wit Gele Kruis no kier pa niun hende pasa aden den e dianan di fiesta. E bebemento di awa tambe ta algo cu hopi no gusta, pero toch 7 glas di awa pa dia ta locual cu bo mester bebe. Si bo no gusta e awa, pone lamunchi, apelsina, dun’e sabor y cu tin mineral den dje, pa e baha hopi dushi pa asina e curpa keda den condicion. Movecion di 30 minuut pa dia ta yuda mantene un estilo di bida saludabel.
Hopi malesa di circulacion ta bin door di falta di movecion. Personanan cu ta traha tras di computer, mester lanta cada 45 minuut for di nan lessenaar.
Nos grandinan tambe no ta keda afo di e comemento di ham di Pasco y di ayaca. Esey tambe ta bisa cu tin cu baha man y come modera. Esey ta conta pa nos muchanan, den dianan di fiesta toch asina mester controla kico nan ta come. Como mucha nan gusta e smaak dushi, y como mayor nos tin e responsabilidad pa nos yiunan no come di mas, ya cu bo wak sobrepeso di nos muchanan y tambe diabetico, pro wak con muchanan di 11 -12 aña ya caba nan sucu ta halto. Esakit a di lamenta, dor di sobrepeso di nos muchanan, sucu y presion ta halto. Y esey ta algo cu Wit Gele Kruis ta considera cu no por. P’esey ta pidi mayornan pa nan no bay ariba e sucu, dus e bolo of hopi cuminda. Ban controla e sucu, nos presion, ban come modera. Te asina leu, e director di Wit Gele Kruis, Sr. Gino Goeloe.