Pa e fin di aña cu ta den porta ya City Inspector y Polisnan di Bario lo bay drenta accion pa por hiba control pa hendenan cu tin pensa di tira sushi den bario pa cual aki Danilo Prescott di Bureau City Inspector ta amplia.
Tur persona cu tin sushi pa wordo tira afo, lo wordo poni den un container central. Unabes cu esey pasa, esun cu wordo gara ta tira sushi den forma ilegal, nan lo haya un boet. Esey ta polisnan di bario lo zorg pa esey. Esey ta e afspraak entre City Inspector y polisnan di bario.
Den e proximo dianan lo por wak mas di City Inspector y Polisnan di Bario mobilisando den diferente areanan di Aruba.
Por ultimo Sr. Prescott a bisa cu ya caba Bureau City Inspector a cuminsa prepara caba pa Carnaval, y a haci un apelacion na presidente di SMAC, Sra. Shannon Henriquez cu na momento cu e sinta cu polis lo ta bon pa sina cu City Inspector y Serlimar, tur instancianan cu tin cu haci cu sushedad.
Ta e instancianan aki ta esun cu ta deal cu polis, nan tin varios aña ta haci esaki aunke cu niun aña ta yega na Bureau City Inspector ya nan ta un instancia cu tey tur aña den e paradanan di Carnaval. Pa mas informacion por yama na 582- 9777 of via email [email protected]