Den House of Mosaic na Eagle, Filomena College MAVO (SN), a tene graduation night 2020. E tema tawata “A Night Under The Stars”.
Un total di 41 graduado tawata presente cu nan mayor y amigo nan, pa ricibi e diploma cu duro nan a traha p’e. E miho graduado a resulta Janelina Thijzen.
Den su speech final director Herbert Goedgedrag, a felicita y gradici tur studiante pa e confiansa deposita den nos scol. Tambe el a acentua e hecho cu e diploma di MAVO ta un yabi cu ta habri otro caminda pa continuacion di estudio. Den su speech, directora adhunto Raquel Lampe, tambe a felicita tur graduado y conseha nan pa semper tin bon escogencia den cada amistad cu nan tin den nan bida. Tambe a gradici ful e team magico di Filomena MAVO bao direcion di Nicole Leslie, pa realisacion di e bunita graduacion 2020. MC di e anochi tawata Addonsito Croes.