Pa concientisa alumno nan y Aruba completo riba e extinsion di Aruba su Prikichi, recientemente maestro y alumno nan di Filomena College MAVO na San Nicolas a dedica un regalo cu nan a ricibi na Aruba Bird Life Conservation.
E projecto aki tawata bao guia di e Arubiana Saskia Garrido, cu su compania SK CLICK Aruba na Londen y su business partner, Ursula Murphy.
Cu e potret di cada un alumno, maestro y personal, un cuadra riba canvas den forma di mosaic a ser crea. Tur hunto e potretnan uni ta forma den fondo e PRIKICHI di Aruba. E potret di e prikichinan bulando ta di Greg Peterson y Armando Goedgedrag.
Filomena College MAVO ta gradici sra Garrido y sra. Murphy masha hopi pa e oportunidad unico aki pa sostene un causa asina bunita. Mas informacion riba formacion di e obra aki, por bishita e pagina online:
https://www.facebook.com/skclickaruba/ of manda un email pa: [email protected]
Tambe por contact Ursula Murphy na: [email protected]