MANILA, Filipinas – E campaña di e presidente , Rodrigu duterte, pa e restablecimento di e pena di morto, a salba un obstaculo den Congreso, unda e proyecto di ley – considera “inhumano” pa e oposicion – a ricibi respaldo.
E texto ta propone baha e nuebe aña di edad di responsabilidad penal y ta uno di e pilarnan di e guera emprendi pa e presidente contra droga, cu a causa mas di 6500 morto.
Un mayoria di e diputadonan di Parlamento a adopta e texto den di dos lectura diaranson anochi. Tin mester di un voto den di tercer lectura pa su adopcion, premira pa e siman cu ta bin. No lo debati mas y su aprobacion ta un mera formalidad.
El Senado, domina pa e simpatisantenan di Duterte, lo adopta un texto similar. “Nos a supera e principal dificultad,” e diputado Reynaldo Umali, defensor di e restablecimento di e pena capital 11 aña despues di su abolicion, a declara na AFP.
E oposicion a pone grito na shelo door di considera cu por desemboca den e ehecucion di inocentenan debi, entre otro factor, e corupcion di e sistema hudicial.
“E decision aki ta inhumano, bergonsoso y burdamente irespetuoso,” e sacerdote Jerome Secillano, secretario di relacionnan publico di e conferencia episcopal catolico a declara den un comunicado manda pa AFP.
“E criminalnan tin mester di wordo castiga y e victimanan yuda, pero e castigo no mester ta morto. Door di e mal funcionamento y e defectonan di nos sistema penal, e riesgo cu personanan inocente a caba di ta victimanan di eror hudicial ta hopi halto,” Secillano, a opina.
Fuente: Globopedia