MOSCU/COPENHAGEN- Fanaticonan Danes a lansa obhetonan y a mustra pancartanan ofensivo durante e partido contra di Australia. Door di e esaki, e Asociación di Futbol Danes lo mester paga un boet di 20 mil dollar.
FIFA a impone un sancion di 20400 dollar na e Asociación di Futbol di Dinamarca debi na e comportamento di algun fanatico di e pais Europeo, cu a altera e orden riba tereno y a grita mensahenan sexista durante e partido di diahuebs ultimo contra di Australia.
E fanaticada Danes a wordo acusa di a lansa obhetonan y di tabata tin pancartanan ofensivo contra di e fanaticonan Australiano. Segun Reuters a informa, e comunicado emiti pa e entidad maximo di Futbol a indica cu Dinamaraca tampoco a respeta e protocol prome cu e partido.
E Asociación di Futbol di Dinamarca, cu su seleccion ta riba e di dos luga di e posicion di e grupo C, no a comenta ariba e medida disciplinario.