Deporte Internacional: E hefe di e desaroyo di futbol di FIFA “ Arsene Wenger “ a informa cu nan ta cla pa implementa un sistema automatico cu por wak posicion adelanta “offside” den mundial na Qatar.
E cuerpo cu ta traha ley di futbol IFAB ( Internacional Football Association Board ) a bisa luna pasa cu nan ta continua pa analisa e regla di posicion adelanta. E intencion ta pa bay test e tecnologia cu por duna un decision automatico riba e decision cu un hungado ta den posicion delanta.
Esaki por yuda pa duna un decision mas lihe y evita cu tin warda e parti VAR wak prome cu por tuma decision. E intencion ta cu e tecnologia ta bisa e referee assistent cu tin hungado ta den posicion adelanta.
Tin un averahe di 70 seconde y tin ora 1 minuut y 20 seconde prome cu por wak e asunto na VAR.