Ta mustra cu for di diasabra anochi te cu diadomingo marduga na un cas di huur Palm Villa tabatin un fiesta grandi entre algun hoben cu alcohol y mucho mas banda di pool pero algo a bay completamente robes momento cu solo ta saliendo. Amigonan a constata cu nan amistad no ta reaccionando den pool unda posiblemente lo a guli awa y asina hoga den e pool despues di hasi un wega di kende ta wanta rosea den awa. Polis a keda dirigi cu urgencia pero ma nan yegada ya a bay cu e hoben di 24 aña den auto pa eerste hulp. Pero na nan yegada dokter a constata cu mucho mas no por haci pa e hoben di fam P. pero e situacion a bira mas serio ora dokternan a capta cu e forma con e hoben a fayece no ta natural y a informa polis di biaha. A activa autoridad competente di e caso lamentabel aki di biaha, polis a bay bek na e cas y asina a drenta door di un representante y a topa cu e senario unda cu tabatin un fiesta bandi pool, a topa cu boternan di alcohol, paña y mas. Departamento tecnico a presenta pa saca e senario completo.