Diasabra dia 28 di october 2017 ta fiesta di San Hudas Thadeo,“E SANTO DI ESPERANSA”, Patrono di esunnan desespera y di casonan dificil.
E aña aki ta di 34 aña cu nos a reactiva e devocion na San Hudas Thadeo.
Pa 6.00’or di atardi nos ta resa e Santo Rosario na honor di Mama Maria. Nos ta resa pa combersion di pecadornan, pa crecemento di fe, bendicion y paz pa nos dushi Aruba cu
ta pasando den hopi problema y pa paz mundial.
Pa 7.00’or ta sigui un Santo Sacrificio di Misa. E dia aki ta un bunita oportunidad pa tur esunnan cu a haya sanacion y yudansa den nan necesidad pa gradici Dios na prome luga y San Hudas Thadeo pa Su intercesion.
Patoor Jairo y Grupo di Oracion San Hudas Thadeo Santa Cruz ta invita cordialmente tur devoto di Mama Maria y San Hudas Thadeo y pueblo di Aruba en general pa asisti na e Santa Eucarestia. Asina nos por manifesta nos Fe den Dios y Comunion di Santonan.
Bini uno, bini tur.