E team creativo tras di e paginan “glossy” di e revista Island Temptations a dal un salto emocionante pa e mundo digital cu su webiste: When in Aruba. A trabes di imagenann increibel, videonan impresionante y historianan inspirador conta door voznan autentico, e portal dinamico ta duna un bista di e bunites di e isla di Aruba den su miho luz.
E ekipo di When in Aruba a tene un fiesta di lansamento dia 1 di Maart ultimo, den e Alhambra Ballroom, invitando hopi di e impulsornan pa celebra e debut di e plataforma nobo cu ta pretende atrae bishitantenan di e isla y ta sirbi como un recurso pa e localnan. Rona Coster, co- doño di e portal a comenta: “Cada biaha mas persona ta eligi unda y con nan kier gasta nan dollarnan, door di investiga online. When in Aruba no solamente ta saca probecho di e tendencia, sino cu e ta bay mas aleu di e website estatico y obsoleto, presentando un blog regularmente actualisa cu ta destaca tur cos, desde noticianan di restaurantnan y e ultimo ofertanan di bienestar te na e inspiracion di casamentonan di destino y eventonan cultural. E companianan tambe lo tin e oportunidad di inclui su productonan y servicio riba e portal, cual lo facilita e vacacionistanan pa planficia su biahe pa Aruba. E portal ta mustra potretnan magnifico como tambe videonan. Keremi, Aruba nunca a mustra asina bon!
Invitadonan ta inclui trahadonan den mundo di turismo, ehecutivonan hotelero, doñonan di restaurant y empresarionan. Na nan yega na e fiesta di lansamento, nan a topa cu’n screen grandi mustrando con ta nabega e portal. Dos touch screen tabata duna e invitadonan e oportunidad pa nabega e portal nan ms. Ora cu invitadonan ta haya nan prome bista ariba e website, nan ta disfruta di un hors d’oeuvres pa cortesia di e team culinario di Divi Resort y ta disfruta di e open bar. E drummer local Michael Bisslik y Dj Rustica a mantene e fiesta cu algun tononon local.
Doñonan di e portal, Rona Coster y Tina Causey- Bislick, ambos a dirigi algun palabra tocante e con When in Aruba a mira luz di dia y nan vision pa futuro.
Pa mas informacion por bishita e website door di click ariba e siguiente link:http://www.wheninaruba.com/” www.wheninaruba.com.
Empresanan interesa pa tin un anuncio riba e portal, por contact cu [email protected].