Ariba e prome diabierna di e aña academico 2018/2019 na Universidad di Aruba Facultad di Hospitalidad y Turismo (FHTMS) a organisa nan prome “Dean’s List Breakfast”. Un evento bi-anual pa reconoce studiantenan cu a destaca academicamente den cada semester di nan estudio. E programa ta consisti di seis semester cual ta representa un periode di tres aña, y studiantenan ta sigui seis curso den cada semester. Pa logra forma parti di e Dean’s List un studiante mester tin un GPA di minimo 3.25 den e prome aña y un GPA di 3.5 den e di dos y tres aña.
Segun decano John Wardlaw: “Forma parti di e Dean’s List ta exigi hopi dedicacion y determinacion pa destaca. Mester demostra abilidadnan cu academiconan y profesionalnan den communidad en general ta balora. E standard academico aki ta un refleho di cada studiante cu a traha pa ricibi e honor, y tambe e trabou di e staff completo. Nos ta sumamente orguyoso y ta felicita e grupo di studiantenan ehemplar aki formando parti di e FHTMS Dean’s List.”
Dean’s List Spring 2018 ta consisti di:
Freshmen: Sophie Donker, Stephanie Matos y Maria Talavera
Juniors: Karel Arends y Annabel van Westerop
Seniors: Danyela Vásquez y Mary Joan Wardlaw
Nos studiantenan ta remarca cu nan ta motiva pa traha duro y asina forma parti di e Dean’s List y ta realisa con importante y prestigioso ta pa ricibi un reconocimiento asina. Demostrando cu “hard work pays off”. Staff y studiantenan a disfruta di un tremendo desayuno cu Ms. T (Thais Nierop) a prepara cu hopi amor.
Staff completo di FHTMS ta yama bon bini na tur studiante y ta desea nan exito den e aña academico 2018/2019.
FHTMS ta reconoce e contribucion unico y strategico di e industria di turismo pa e desaroyo di Aruba y Caribe. E studiantenan ta wordo prepara ariba terenonan pa un carera profesional den diferente ramo. Pa mas informacion tocante e programa por bishita www.ua.aw of www.facebook.com/UA.FHTMS