E fin di siman aki nos muchanan lo luci riba Plaza Betico Croes diabierna y diasabra dor di e festival un canto pa nos Himno y Bandera pa cual aki Sra. Ray-Anne Hernandez presidente y coordinador di e festival un canto pa nos Himno y Bandera ta splica.
Tin un total di 46 inscripcion, pero esaki a baha compara cu aña pasa. Pero esaki tin te maken cu e temporada largo di Carnaval. E festival ta parti den cuater categoria, 4 pa 6 aña, 7 pa 9 aña, 10 pa 12 aña y 13 pa 17 aña. participacion ta loke a pone cu a parti e dianan, pa tur dia tin igual di participantenan. Diabierna tin categoria 4 pa 6 aña y 13 pa 17 aña y diasabra 10 pa 12 aña y di 13 pa 17 aña.
Ainda e programa completo no ta cla pa publicacion, pero loke a resalta cu ta bay tin diferente tipo di musica, dus hopi varia. Un combinacion hopi varia di musica ta bay tin ariba ambos anochi, y ta segun varios participantenan cu ta preparando nan show , e entusiasmo ta hopi halto den parti di participantenan. Dia 10 y 11, esunnan cu bin presencia e festival aki lo bay presencia un concierto. E ta mas cu simplemente un competencia. Tur ta bin pa duna e pueblo algo bek di nan mes y sigur sigur, e mas bunita ta cu ta e muchanan di mas chikito y te na nos hobennan cu ta hinca nan curason y nan pasion den e festival. Asina duna realze nan nos himno, nos bandera, nos simbolo nacional den nos luna nacional, luna di Maart.
Door cu gobierno a ofrece e fechanan 10, 11 y 12 pa tur dos organisacion, ya cu dia 12 tin esun di adulto, a focus ariba 10 y 11 mirando cu, diabierna e siguiente dia no tin scol. E meta ta pa caba prome cu 12 or, y no ta importa si ta weekend, pero ta traha cu mucha y ta haci lo maximo pa caba prome cu 12 or ya cu no kier muchanan asina laat lanta.
Tambe lo tin tentnan cu cushina cu bar bon surti, pero tambe ofreciendo artesania. Ta haci apelacion pa bin apoya nos talentonan local. E weekend aki nos artistanan local, ta bay presenta completamente gratis pa full e pueblo di Aruba. E invitacion di parti Comision Promove Cultura pa bin apoya tur tres dia. E festival ta programa pa cuminsa 6 or di atardi. Asina Sra. Ray Anne Hernandez a finalisa bisando.