E aña aki e festival di dande lo sigui pero di un manera virtual #dandefestival. Aaron Arenas ta comparti cu despues di varios siman ta tene reunion cu comisionnan concerni pa e festival di dande a logra pa haci esaki bira un realidad.
E festival di Dande lo tuma luga dia 28 di December pa infantil y hubenil. Dia 29 di December lo ta pa adulto. Esaki lo por wak riba tur canal local di television, Facebook y Youtube.
“No lo a un actividad pa publico manera ta di custumber, esey ta e decision cu a wordo tuma”, e ta splica. Hende por probecha e evento virtual for di nan cas, radio of computer. Lo bay saca e ganado pa adulto pa rey y reina di Dande.
Pa hubenil y infantil esaki lo ta sea rey of reina den cada categoria. Lo tin premiacion tambe pa esnan cu participa virtualmente. Dia 30 di December lo entrega premio na e ganado personalmente, esaki ta cumpliendo cu tur protocol stipula pa departamento di salud publico.
Caminda lo tin oportunidad pa saca potret y bay ‘e tin full un logistica su tras’. Sr. Arenas ta bisa cu mester tin pasenshi mirando cu esaki ta algo nobo pa e participantenan pero tambe pa esnan cu ta organisando e evento.
Pa e motibo aki kier motiva comunidad pa asina duna sosten na e participante virtualmente pa asina por interaccion cu e publico y chens pa gana premio. E ta recorda tur hende cu Facebook page lo ta riba comision promove cultura y fundacion cultural di festival nan folklorico. Tambe pa esnan adulto lo por mira esaki via television cu lo ta streaming pa ambos dia di festival.