Den un entrevista cu presidente di centro di bario Tanki Leendert Sra Ray Ann Hernandes ta splica cu e siman aki caba muchanan cu kier canta dande por cuminsa pone nan nomber dia 7 di December.
E siman aki ta habri e luna tambe unda ta bay tin e festival di Dande Hubenil y Infantil, dia 28 di December, na Centro di Bario Tanki Leender. Pa haci e festival aki posibel, mester di participante. E inscripcion lo bay habri e siman aki, dia 7 di December. Ta tuma inscripicion via email, pa [email protected].
Despues di esaki ta bay tin un siman pa tuma inscripcion y diabierna dia 15 di December lo tira lot, pa secuencia. Pero inscripcion ta cera dia 14, y pa e dia aki mester tin tur e nomber y nomber di e bandanan cu ta bay participa. Pa asina dia 15 por tira lot pa loke ta e festival dia 28.
Loke ta importante pa e comision, na ora di inscripcion ta e nomber, fecha di nacemento y tameb nomber di e compositor. Pakico esaki ta importante:? Pasobra den pasado nan a yega di haya reclamo di publico, cu esun cu ta skirbi e dande ta den panel di hurado.
Tambe nan mester di e banda di e mucha pa e festival. Tin tambe e parti do propio composicion. Cada banda por participa cu maximo dos propio composicion. Pa propio composicion ta importante pa sa e titulo di e composicion, areglista y e ritmo.
Dus, e inscripcion ta habri dia 7 di December y ta cera dia 14 di December, pa tira lot dia 15 di December, pa 7 or di anochi na Centro di Bario Tanki Leendert.
Pa 15 aña largo a haci e festival na Centro di Bario Tanki Leendert, pero aña pasa gobierno a pidi pa hacie na Plasa Betico Croes, ya cu pa dos aña caba e Festival di Himno y Bandera ta wordo teni na Linear Park. Pero logisticamente, e no ta bale la pena pa move tur cos pa 1 anochi so. Y tambe e gruponan di Dande ta mas chikito cu cualkier otro grupo, y cu mucha, e ta stage ta bira demasiado grandi, segun Sra. Ray- Anne Hernandez.
E categorianan cu ta bay tin pa Dande, ta edad di 4-6 aña, 7-9 aña y 13-17 aña. Mescos cu aña pasa, esaki ta andando den preparacion. Ta bay tin un Rey of Reina den cada categoria.
Manera tur aña nan ta preparando e stage pa e festival hunto cu’n stage pa e huradonan. Lo bay tin bay y cushina bon surti. Ta conta cu ayudo di grupo Scout Oro Ubao, cu lo yuda cu e parti logistica pa e trabao, pa haci e festival grandi un biaha mas.
E festival ta bay ta gratis, e ta e parti di bar ta nan fondo pa nan Centro di Bario. Festival di Dande mester keda gratis pa e pueblo.