Ray-anne Hernandez encarga cu e comision di promove Cultura y dande pa mucha a comenta cu nan a cuminsa na organisa e festival di Dande y tambe di Himno y Banera infantil y hubenil semper tabata ser haci riba linear park pero e deseo tabata pa haci e festivan riba Plaza betico. Esaki ta mirando cu ta un plaza cu ta dedica na Cultura di Aruba y nos Libertador Betico Croes ta un persona cu semper a dedica na nos cultura y sigur pa loke ta nos dande y pa nos e aña aki porfin a haya ok pa organisa e festivalnan riba Plaza Betico ta algo grandi.
Debi na e awacero ultimo temponan aki tabata dificil pa a haci e festival di Dande na e centro di bario. Como organisacion nos ta contento di mira e crecemento unda e festival lo ta e aña aki, riba Plaza Betico Croes. E interes ta grandi unda tur aña tin 30 dande 4 propio composicion y cantidad di banda e biaha aki ta tiki unda itn 6 banda so y esaki ta mustra cu e festival lo bay basta lihe Ray-anne a comenta.
Dia 29 di December e festival di Dande infantil hubenil lo ta 29 di December pa 7 or anochi y invitacion pa Aruba completo pa presente y duna aporte na nos muchanan y principalmente pa nos cultura.
Den e categoria di 4 pa 6 aña lastimamente e aña aki nos no a haya hopi participante y den e categoria 7 pa 9 aña nos tin mas cu 10 parcipante y categoria 10 pa 12 aña tin por lo menos 10 participante y di 13 pa 17 aña tin basta participante. E interes t’ey di e muchanan pa canta durante festival tin basta mucha cu a participa aña atras y tambe tin muchanan nobo cu ta participando e aña aki, asina Ray-anne Hernandez a comenta.