Den cuadro di Festival di Buki pa Mucha, Biblioteca Nacional Aruba ta preparando pa e Workshop pa Maestro/anan di Scolnan Preparatorio y Scolnan Basico. Manera ta custumber tur aña BNA ta ofrece e workshop aki cu ta encera tur informacion encuanto bukinan cu por wordo usa pa prepara lesnan rondo di e tema di e Festival. Tambe ta traha un Lespakket Crioyo cu tur maestro/a por haci bon uso di dje den nan klas. E workshopnan lo ta entrante dialuna 26 te cu diahuebs 29 di September den Sala Diamante di 3or pa 5or di atardi.
Manera anteriormente anuncia, e aña aki biblioteca tin 17 participante di Hulanda, Boneiro, Corsou, Surinam y Aruba. Y e Regalo di Siman di Buki (RSB) ta skirbi dor di Fred Diks. “Super wela den coma” / “Superoma in coma”. Lastimamente e autor Fred Diks no por participa mas na e Festival e aña aki pa motibo di su salud. Pero e buki si ta cla! Asina cu e yega Aruba e lo wordo parti gratis na e scolnan participante. Lo tin contador di cuenta y e Ilustrador di e RSB Sr. Rudyomar Leysner cu lo pone hopi atencion si na e buki ora di bishita e scolnan.
Biblioteca Nacional Aruba kier a recorda e scolnan cu falta pa entrega nan formulario di inscripción pa participa na e Festival, pa por fabor entrega esaki no mas tarda cu diabierna awor 23 di September na biblioteca. Mester cuminsa traha e roosternan, pa keda cla na tempo.
Apertura di e Fesitval lo ta 28 di October di 6or pa 8or PM, patras di e edificio di biblioteca. Bishitanan na e scolnan lo ta den siman di 31 october pa 4 November 2016.
Tur dia trey merdia lo tin presentacion di diferente autor na biblioteca tanto na Playa como na San Nicolas na Theresita Center. Orario: 3or pa 4or di atardi. Tur mucha ta bonbini!