MANILA, Filipinas- Tragedia ta bolbe bati na porta di e archipielago Filipino diahuebs, despues cu’n ferry cu tabata transporta 251 persona a naufraga. Esaki a causa morto di al menos 4 persona y lagando 11 otro persona desapareci, según Warda Costa Filipino.
E accidente a tuma luga dilanti e costanan di Real, despues di cu e barco a sali for di e waf aki, situa na 70 km oost di Manila, direccion isla Polillo, bou di condicionnan meteorologico malo.
Dos homber y dos muhe a perde nan bida, mientras cu 11 ainda ta desapareci y e perspectivanan pa hayanan no ta mucho faborabel, ya cu e buskeda a stop despues cu anochi a cay.
Autoridadnan a informa cu 200 persona a wordo rescata y nan tabata a salvo.
E archipielago ta preparando pa e yega di e tormenta tropical Tembin, cu lo yega diabierna mainta.
E ferry, sin embargo, a ricibi autorisacion pa subi lama ya cu e departamento meteorologico no a emiti ningun boletin special pa e zona di Real y Polillo, oost di e isla principal Luzon.
Fuente: https://www.infobae.com