Fernando Halman ta Ganado Di E Pop Media Award 2018 na Hulanda

DJ Fernando Halman ta e ganado di e Pop Media Award di 2018. El a ricibi e premio na ESNS 2019. Huradonan a yama e autoridad y entusiasmo di Halman indispensabel pa amantenan di hiphop en general, y specialmente hiphop Hulandes.

Desde 2009, Halman a host e programa di radio matutino Start riba FunX. Tres aña pasa, a nomin’e pa e Pop Media Award tambe. Di acuerdo cu e huradonan, den e ultimo tres añanan, Halman solamente “a eleva su status di e misionario mas importante pa hip hop, r&b y tur cos cu nos ta yama urbano, di radio.”

Huradonan ta mira Halman como un di e rasonnan cu hiphop (Hulandes) tabata mas exitoso cu nunca antes na 2018. E hecho cu el a bira mas prominente den otro medionan tambe ta wordo menciona: e DJ cu regularmente por wordo mira den talk shows na television manera De Wereld Draait Door y RTL Late Night.

E Pop Media Award a galardona periodistanan-pop pa nan tur nan obra, cu atencion particular pa logronan special den e ultimo aña. E otro nominadonan pa e Pop Media Award 2018 tabata Timo Pisard (editor principal pa 3VOOR12) y e documentalista Teun van Sintmaartensdijk (Buying the Band).

A otorga e Pop Media Award pa prome biaha na 1994.

Comments

comments