E trabou di ta un bombero tin hopi cos cune. Ferdinand Ponson di Cuerpo di Bombero a splica kico ta loke bo mester tin pa bira un bombero.
Bo mester por gusta yuda hende, gusta duna bek na bo pueblo, duna bek na hende. Ora bo ta un bombero, bo ta un bombero 24/7. Tin ratonan cu bo ta wak cosnan pasa, cu ta cosnan di brandweer, bo ta duna un man y bo ta sinti e satisfaccion cada rato cu bo yuda. Lo mas primordial ta pa tin un rekisito minimo, cu ta conseha tur hoben, homber y muhe, paga tino cu scol, pasobra e ta na prome luga. Wak e opleiding cu tin. Mira e rekisito minimo pa bo por drenta brandweer.
Condicionnan
Un di e rekisito ta e estudio. Bo mester tin EPB Uitstroom y doorstroom. Condicion sigur bo mester tin. Bo mester ta un hende cu bo por cu training di interval. Esaki ta pasobra cu den e prome ratonan di candela, of di hulpverlening, e tension ta asina halto cu bo ta bay na bo maximo di bo curason.
E condicion ta algo cu mester tey. Salud ta importante, come bon, percura pa bo ta den condicion.
Pa loke ta di brandweer, bo ta duna bek, bo ta sinti e satisfaccion ora cu bo yega cas bek, cu bo bay duna un ayudo na un hende. E ta impagabel, segun Ponson.