E siman aki ta uno importante pa Cuerpo di Bombero, cual tin cu bisa cu di parti di e cuerpo, tin basta actividad rond pa asina celebra e siman aki. Ferdinand Ponson ta splica mas kiko e siman aki ta encera.
Den e dianan aki tin un calender cu a sali den media, cual mester a cuminsa for di diadomingo, pero door di e mal tempo cu tabata tin, a dicidi di cancel’e pa dia 16 di October. Riba e dia aki lo bay tin e 10K y tambe un opendag.
Dialuna ultimo tabata tin un marcha cu a pasa dilanti di bestuurskantoor y Parlamento, cu mas of menos 36 personal di bombero. 6 truck, y mas of menos 80 mucha cu a participa hunto cu e bomberonan den e parada.
Diaranson, esta awe, tabata tin zaalvoetbal na RCA. E ploegnan a hunga contra otro. Ta prome biaha cu ta haci un campeonato entre e ploegnan pa un copa rotativo. Cada seis luna e bomberonan aki pa gana e copa rotativo pa wak cual ta e ploeg cu ta campeon den zaalvoetbal. Tin como invitado tambe Setar, KPA y Kustwacht cu ta bin hunga contra e invictonan di brandweer.
Ponson a splica cu tur evento di brandweer, tur hende por pasa wak. Diabierna y diasabra lo bay tin softball. Si ta un tiki preta cu esaki debi na e yobidanan cu a cay, a daña e veldnan cu nan lo bay hunga riba dje. Awor aki ta buscando con por haci pa haya un veld pa por sigui cu e weganan.
Dia 16 di October, cuminsando pa 6’or di mainta, e 10K lo cuminsa y den careda di 9’or of 10’or te cu e Opendag lo cuminsa. Ta invita tur hende pa haci acto di presencia, en especial e muchanan. Lo bay tin zipline, lo bay tin hoogwerper, lo bay tin show di cortamento di auto, lo bay tin Dino Jump, Waterzone. Bin pasa un dushi dia cu cuerpo di bomero.
Esaki lo tuma luga na e stacion na Tanki Flip y lo dura te cu 5’or di atardi.
Pa loke ta e 10K, e inscripcionnan ta habri. Por pasa na Ibisa pa inscribi, y ya tin 160 hende cu a inscribi caba, segun Ponson.