Ya pa di 14 aña di e evento Premio Excelencia den Deporte, tin un comision consistiendo di representantenan di diferente instancia di deporte manera Ministerio di Deporte, IBiSA, Lotto, COA, ASU como miembro di Prensa Deportivo cu ta bini hunto pa escoge nos miho atletanan cu a destaca den e aña deportivo cu a transcuri, e aña aki esnan di 2016. Un trabou cu sigur no ta facil mirando e tantisimo nominacionnan cu mester wordo analisa conhuntamente cu e demas logronan di e atletanan cu a destaca den e aña menciona. Un bes pa siman y pa mas cu dos luna largo e Comision encarga a bini hunto pa asina evalua tur informacion y comentario ricibi di e Federacionnan Deportivo pa a lo largo deposita nan voto di preferencia segun e criterianan traha.
Pa loke ta e votacion pa e atletanan nomina, e huradonan tin e tarea di defende su escohencia y hiba esaki den forma di discusion y evaluacion propio. IMPORTANTE ta cu e huradonan ta traha a base di e informacion ricibi di e diferente federacionnan cu ta manda nan atletanan pa nomina. Pues cu otro palabra e Federacion Deportivo ta e unico cu por nomina nan atleta pa e evento di PED(den pasado miembro di Comision tambe por a nomina un atleta). Na final Comision PED ta vota den forma democratico(12 hurado cu derecho di voto) pa asina saca e diferente ganadonan segun e nominacionnan ricibi .
Cu e comunicado aki Comision PED ta spera di a aclarea tur mal entedimiento cu por a surgi di e nominacion pa e atletanan di aña.