E sistema di ranking ta uno hopi importante pa e federacion di tennis di mesa, unda nan hungadonan tin cu lucha cada torneo pa keda cu e puntuacion y posicion maximo pa asina e representacion den exterior por ta mas grandi. Den e ultimo añanan esaki a yuda mirando cu cada hungado ta haci nan maximo esfuerso pa keda den top. E competencia nan a bira mas fuerte y pareu mientras e bishita den exterior y e intercambionan cu entre otro Venezuela y Corsou sin duda a yuda nos hungadornan bira cada bes mas mihor. Cu e torneo di ranking como tambe torneo di team, Aruba Table Tennis lo sigui cana den e direccion corecto pa e bon desaroyo di e deporte na Aruba.
E torneo di ranking ta cana segun schedule unda nos a haya den e categoria u18 un prome lugar ta wordo ocupa pa Jeandry Mathilda, e di dos luga pa Chingho Chung y e di tres luga pa Jean Claude Hoek. Den e categoria A klas, e prome lugar a bay pa Mario Lobo mientras Jeandry Mathilda a keda na di 2 luga y Andy Gomes a keda na di tres luga. Mester bisa cu nos hobennan tambe a hunga e torneo di ranking. Den B klas e prome luga a bay pa Fabio Marcotulli, na di dos luga a keda Jean Claude Hoek y na di tres luga a keda Jame Letren y Franklin Lopes. Den U15 tambe nos a haya un algun wega super interesante, aki e prome luga a bay pa Mikayla Mathilda, e di dos luga a bay pa Bob Chung y e di tre luga a bay pa Josielinne Boekhoudt y di cuater luga pa Renoir Rojas. Den e ranking u11, e prome luga a bay pa Shaun Kock, na di dos luga a keda Dylan Deleca y na di tres luga a keda Ethan Fan.
Stichting Sportsubsidie Aruba tambe a yuda subsidia e torneo di ranking den e deporte di tennis di mesa organisa pa Aruba Table Tennis Association.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.