E federacion di tenis di mesa a tene nan prome torneo di ranking pa 2017. E hungadornan den tur categoria a enfrenta otro pa asina defini nan posicion fiho riba e ranking di ATTA. Tur fin di luna e dicho federacion ta tene nan torneo di ranking. Nos tin e siguiente resultadonan
Den e categoria U10 nos a haya na prome luga e hoben Dylan De Leca mientras na di dos luga a keda Brandon De Leca. Den e categoria U13 nos tin na prome luga e hobencita Mikayla Mathilda mientras na di dos luga nos tin Bob Chung y na di tres luga Joseline Boekhoudt. Den e categoria U18 e prome luga a bay pa Jeandry Mathilda mientras na di dos luga a keda Donald Yarzagaray y na di tres luga Jean Claude Hoek.
Despues di esnan infantil y hubenil a sigui cune categorianan di B y A klas. Den e categoria di B klas na prome luga a keda Alfred Leong, na di dos luga nos tin Ching Ho Chung y na di tres luga a keda Donald Yarzagaray. Por ultimo den A Klas e bataya tabata fuerte unda Mario Lobo a termina na di prome luga sigui pa Andy Gomes cu a keda na di dos luga y Jeandry Mathilda cu a keda na di tres luga.
Un danki sigur na Lotto, e Loteria di Aruba pa medio di Comision di Subsidio cu a subsidia e torneo ranking di Aruba Table Tannis Association.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.