Diabierna e federacion di atletismo, Aruba Athletic Federation lo celebra e 55th Harry Janssen National Championship & Invitational 2018. Mester bisa cu no ta solamente Aruba y su clubnan lo competi na e campeonato aki sino lo tin participacion internacional como tambe atletanan renombra di exterior cu lo bini e engrandece e evento aki. E miho atletanan lo participa den tur categoria y asina bataya cu nos invitadonan internacional. For di nos isla ruman Corsou lo bin cu un club y su miho atletanan. Na banda di e participacion elite mas cu claro e evento ta open den tur categoria di edad esaki cuminsando di U9/U-11/U-13/U-15/U-17/U-20/Senior/Masters Female & Male. E campeonato ta 2 dia, riba diabierna dia 30 y diasabra dia 1 di juli y lo termina cu un workshop pa entrenadornan e diasabra 1 juli.
Stichting Sportsubsidie Aruba a yuda subsidia e campeonato di atletismo 55th Harry Janssen National Championship & Invitational 2018.
Cumprando weganan di Lotto, e Loteria di Aruba bo ta contribui na deporte riba nos isla. Meta di St. Fundacion Lotto pa Deporte ta pa organisa loteria, cambia bida di su hungadonan y na mes momento inverti den deporte local pa medio di donacionnan na Stichting Sportsubsidie Aruba.
Nos tin e schedule di e evento.