FDA a duna aprobacion total na vacuna di Pfizer

FDA a duna aprobacion total na e vacuna Pfizer/BioNTech contra covid-19, loke ta habri porta pa mas ordo di vacunacion.

Departamento di Remedi y Alimento di Merca dialuna a duna su aprobacion total na e vacuna menciona pa personanan di 16 aña of mas.

E vacuna Pfizerr/BioNTech a haya autorisacion pa uzo di emergencia na Merca desde memey di December aña pasa, pa esnan riba 16 aña. Na mei a haya aprobacion pa 12 aña bay ariba.

Di e mas cu 170 miyon persona na Merca cu ta completamente vacuna contra Covid-19, mas cu 92 miyon a haya e vacuna aki.

“Basa riba e datonan di seguimento di largo plaso, e aprobacion di awe pa esnan di 16 aña bay ariba ta afirma e eficacia y perfil di siguridad di nos vacuna na un momento cu mester di dje urgentemente. Mi ta spera cu e aprobacion aki ta yuda aumenta e confiansa den nos vacuna, ya cu e vacunacion ta sigui ta e miho herment cu nos tin pa yuda protege bida y logra inmunidad colectivo. A duna caba algun shen miyon dosis di nos vacuna na Merca desde december di 2020, y nos ta spera di por sigui traha cu Gobierno di Merca pa yega mas cerca di e Mericanonan,” asina Albert Bourla, presidente y director ehecutivo di Pfizer a bisa.

Comments

comments