FCCA y fondo di garantia a intercambia experticio cu Nationale Hypotheek Garantie

0
RBC Juli 2018
Funmiles-2018

FCCA y fondo di garantia a intercambia experticio cu Nationale Hypotheek Garantie
Minister Otmar Oduber conhuntamente cu e delegacion consistiendo di miembronan di FCCA y Stichting Fondo Nacional di Garantia pa Vivienda (FNGV) a sinta cu Nationale Hypotheek Garantie (NHG) cu ta e fondo di garantia grandi na Hulanda pa asina intercambia experticio entre e diferente miembronan di delegacion y NHG mes. Durante e reunion a papia di diferente strategia pa loke ta e garantia di fondo, stimulacion di compra di vivienda y stimulacion di construccion di vivienda.
NHG tin hopi aña di experticio y tin e habilidad di por duna garantia hopi halto, pa cual por a wak con interesante e tabata pa explora e posibilidad di colaboracion y posibilidad di por tin un posibel inversion di parti e fondo di garantia Hulandes akinan y pa asina cuminsa cu e trabounan preliminario pa por crea pa Aruba tambe un red fuerte di partnernan internacional como tambe nacional. Adicionalmente a papia di diferente forma pa haci inversion den nos fondo di garantia y enfoca riba e aspecto di calidad di bida enfocando riba e ser humano y e bienestar di e ser humano. Director di NHG sr. Dylan Dresens a bisa cu banda di cu nan ta duna garantia nan ta duna diferente servicio mas. Pa locual ta e grupo meta di NHG por bisa cu nan tin un grupo meta similar cu esun di Aruba, unda cu tambe nan ta enfoca riba diferente tipo di personanan den comunidad manera nos grandinan y hendenan cu tin cu tin dificultad pa yega na e mercado di cas. Pa locual ta NHG, e aspecto di bon maneho y integridad ta wordo mira como uno sumamente importante pa percura cu e organisacion por sigui haci su actividadnan manera debe ser. Esaki ta un momento sumamente importante pa partnernan cu ta na mesa pa wak kico ta e posibilidadnan pa locual ta e situacion na Aruba.
Importante como mensahe for di e reunion ta cu, companianan por tin metanan comercial, metanan financiero y na mes momento nan por tin metanan social na unda cu na final di dia tur persona como tambe e compania por beneficia di esaki. ‘Es decir’ adapta un vision y strategia hopi mas amplio y integral enfocando riba bienestar economico y e posicion di un ser humano.

Comments

comments

C: Heineken
new india