Na e momento aki FCCA kier bay cuminsa traha casnan mas economico pa yuda e famia asina mes yega na un cas , pero FCCA mester di algun tereno mas pa esaki sigun Sr. Franklin Leest.
Den casonan asina, lo mester haya terenonan, cu ta cla pa pa cuminsa construi e casnan ariba dje. Durante e ultimo añanan, esaki tabata un tiki dificil ya cu no a bin asina hopi tereno los, pa un of otro motibo y cu no ta wordo haci di tal manera cu por yega traha cas ariba nan. Esaki ta stagna e proyectonan.
Aworaki FCCA ta bezig cu algun proyecto na Brazil, ta bezig cu un proyecto cu algun cas, un paar di cas di algun hende cu kier biba, of hendenan grandi cu kier biba independiente, tambe FCCA ta bezig cu esaki, na Cunucu Abao.
Tambe FCCA a caba di habri algun tereno, pa esunnan interesa pa construi nan propio cas, y na Shaba nan a caba di roza un tereno, aworaki falta pa haci esaki cla pa construi casnan ariba nan.
Den e tiponan di construccion, manera na Cura Cabay y Bushiri, lo mester bin mas di esakinan. Ya cu terenonan ta cabando. Tin varios bario tin terenonan bashi pa hopi aña y DIP ta haciendo evaluacion ariba esakinan, pa transfer esakinan pa FCCA, pa construi casnan manera cu esunnan cu tin banda di Landslaboratorium. Esaki lo crea mas espacio, tambe pa esunnan cu ta sperando pa un cas, segun Franklin Leest, vocero di FCCA.