Diadomingo 27 di mei 2018 a tuma luga den stadion Frans Figaroa na Noord
e clash entre FC Porto contra di United,
FC Porto ta bin di un victoria riba e ekipo di RCS cu e score di 5-0 , mientras United
nan wega ta keda cancela contra di Brazil Jrs. Na di 6′ di wega Jimmy Luzardo #7 riba su camiseta ta logra habri e marcado pa hiba su ekipo FC Porto ariba 1-0.
Den e prome 45′ nan di wega ambos ekipo a sa di crea algun oportunidad di gol pero ta e ekipo di FC Porto a logra di habri e marcado , cu e score di 1-0 pa FC Porto ta bai sosiego.
Den e di dos parti di wega e equipo di FC Porto ta pone basta presion caminda cu riba un hugada dilanti gol e hungado Michaelangelo Wild #18 ta lora un bala caminda e bala ta dal den pia di e defensa di United y bay den gol. Y asina FC Porto bay ariba 2-0.
Riba un tiro di skina pa e ekipo di United bala ta rebolta dilanti gol caminda e hungado Michael Molinares #7 ta kop e bala e asina deposite den net na di 64′ di wega pa asina corta ventaha 1-2.
E ekipo di United ta sigui presiona y ta probecha caminda e equipo di FC Porto ta cay den defensa y asina ta duna United espacio pa crea algun bon oportunidad y den un atake di United ta foulia un hungado na rand di doelgebied caminda refree na ta basila y ta pita pa un tiro directo, Miguel Suarez #10 ta cobra e tiro caminda e ta los un fusil fuera di alcance di e portero di FC Porto pa asina empata e wega na 2 gol.
Final di e wega ta keda den un empate FC Porto vs United 2-2.