WASHINGTON D.C., Merca – Den un investigacion riba infiltracion Ruso den e eleccionnan presidencial Mericano, FBI ta tirando bista riba Jared Kushner, e yerno y consehero di presidente Trump. Kushner ta casa cu e yiu muhe di Trump, Ivanka.
Esaki ta segun NBC News a base di fuentenan cerca di e investigacion. Kushner no ta un sospechoso, pero lo mester tin informacion cu ta di importancia pa e investigacion.
Reunion cu Rusonan
Ta insigur pakico FBI precisamente ta interesa den e actividad di Kushner, kende aña pasa entre otro a topa cu e embahador Ruso, Sergei Kislijak y e bankero Ruso Sergei Gorkov. E abogado di Kushner a declara cu el a comparti tur esaki cu e congreso Mericano. Washington Post a informa siman pasa caba cu e consehero di Cas Blanco ta bin dilanti den e investigacionnan. Pero e tempo ey no tabata conoci riba ken esaki tabata trata.
Fuente: www.rtl.nl