LAS VEGAS, Merca- Autoridadnan a descarta cualkier afiliacion di e Mericano Stephen Paddock, di 64 aña cu’n organisacion internacional. Esaki a bin despues cu ISIS a reclama e autoria di e atake.
Autoridadnan tabata kier a desmenti asina, e comunicado di e grupo terorista, cu pa medio di Amaq, su organo di propaganda, a sigura cu e autor di e atentado tabata un di su “soldanan”.
Di su banda, e Departamento di Siguridad Nacional a divulga un comunicado unda cu tabata descarta otro “menasa creibel”, aunke e tabata adverti cu lo reinforsa e medidanan di siguridad den algun luganan publico den e pais.
E tiroteo a sosode den oranan di diadomingo anochi, momento cu un Mericano blanco di 64 aña a cuminsa tira desde di su camber riba e di 32 piso di e hotel Mandaly Bay ariba e multitud di mas di 22 mil persona. E publico a asisti na un concierto di festival country cu a tuma luga ariba e boulevard principal di e ciudad.
Fuente: http://www.infobae.com