FBI ta tirando un bista riba un hack di e computer di staff di Cas Blanco cu aparentemente a caba na un likmento di informacion sensitivo – incluyendo e paspoort di prome dama Michelle Obama, segun CBS News a reporta.
Sinembargo, FBI no a confirma cu un hack a tuma luga.
DC Leaks, cu recientemente a yama atencion pa post emailnan gehacked di ex secretario di estado, Colin Powell, a bisa cu nan a hack den email di un miembro di staff hoben di Cas Blanco, pa yega na acceso na informacion. E emailnan ta for di Juli 2015, ora cu e miembro di staff ainda tabata studiando, te cu Juli 2016.
The Daily Mail a publica un email for di DC Leacks, tumando e responsabilidad di e hack.
“E filenan geleaked ta mustra e nivel di siguridad di nos Gobierno. Si teroristanan a hack emailnan di Cas Blanco, y por haya tal informacion sensitivo, nos por mira e caida di nos pais,” – DC Leaks.
Adicionalmente, pa loke ta e paspoort di e prome dama, otro emailnan cu a leak, ta incluyi schedulenan detaya pa agentenan di Servicio Secreto, Vice Presidente Joe Biden y Michelle Obama su mes. Un email ta discuti un biahe di Biden, cu ta revela cuanto paso mester wordo spera pa subi durante un biahe na Juni pa un hotel na Cleveland.
Fuente: https://article.wn.com