Un fayo den e sistema di Microsoft na nivel global, a provoca diabierna problema cerca diferente aerolinea, entre otro empresa, cual e prome reportenan a cuminsa surgi na Merca, pero ya a extende na diferente parti di mundo.
Un di e impactonan mas significativo a sosode n’e aeropuertonan debi n’e caida di e sistemanan informatico, loke a obliga pa realisa operacion di manera manual y provoca retraso di vuelo, e facturacion y e maneho di ekipahe. Tambe, den e prome oranan di mainta diabierna, e aeropuertonan di Merca, Alemania, Reino Uni y india, a sufri incidente y fayo tecnico, pa cual a reporta cu nan operacionnan a keda afecta, mientras cu e principal companianan aereo Mer9icano a haya nan obliga pa cancela nan vuelo.
Di e manera aki, American Airlines, United y Delta a pidi e Administracion Federal di Aviacion un suspension global di tur nan vuelonan.
Mientras cu na Alemania, e aeropuerto di Berlin a informa riba e retrasonan den proceso manera “check-in” debi n’e mal funcionamento tecnico.” Di e mesun manera, e aeropuerto di Edimburg a comunica cu “un caida di e sistema informatico a provoca cu e “waiting-time” lo ta mas largo cu normal” den e instalacionnan, añadiendo cu nan ta trahando pa resolve e problema mas pronto posibel.
Na Asia, e medionan local a reporta cu e fayonan a yega e Aeropuerto Internacional di Ho g Kong den “caos” y ta existi varios problema cu e servicionan di atencion na cliente y e emosion di ticket.
Un serie di servicio informatico manera cu e tecnologia Microsoft ta ofrece, a sufri diabierna problema na varios parti di mundo debi na un incidente cu e empresa di cibersiguridad CrowdStrike, afectando e companianan di radiodifusion, banco, aerolinea y sistema di pago.
