SCHIPHOL, Hulanda- Door di un storing di combustibel no ta posibel pa yena fuel den avionann stationa na Schiphol. Mas o menos 70 avion ta para na tera sin cu por wordo suministra combustibel. E storing aki ya caba tin algun ora y segun pronosticonan lo por dura algun ora mas. Esaki a afecta miles di pasahero, cu no tin derecho ariba compensacion financiero.
Den un comunicado KLM a bisa cu ta spera cu e operacion lo por continua, gradualmente pa mañan diahuebs. “Esaki kiermen e posibel cancelacion di algun vuelo”. KLM a bisa di cu algun vuelo cu destinonan Europeo y te cu awo, tres vuelo intercontinental a wordo cancela.
Tur compania aereo, hunto tin te cu awo cerca di 180 vuelo anula, segun Schiphol a informa. Pasaheronan cu nan vuelonan lo no sali mas pa awe nochi, lo wordo aloha den hotel door di e compania aereo. Schiphol lo zorg, como medida di precaucion, lo pone cotnan disponibel pa pasaheronan cu eventualmente lo mester pasa e anochi na Schiphol.
Esaki, segun un vocero di e airport ta un procedura di rutina. E cantidad di vuelonan drentando tambe a disminui cu un tercio. Den e areanan caminda cu pasaheronan ta , a zorg pa tin extra personal presenta y a zorg pa awa wordo reparti.
Segun e vocero, e causa di e storing den e suminsitro di combustibel no ta conoci, pero mas sigur tin di haber cu e calor. Mas informacion no por a wordo suministra. “Vuelonan cu ainda tin combustibel por sigui cu nan vuelo normal. E avionnan ta wordo suministra cu combustibel door di un otro compania externo, Aircraft Fuel Supply. Cu ta trahando duro ariba un solucion.
Schiphol ta spera cu e problemanan por wordo soluciona ainda pa awenochi.