E evento aki “Faya bo Haya 9” , organisa pa Destroyer Racing Team lo tuma luga dianan 6 y 7 di april na Raceway Park Palo Marga, cu competencia den diferente categoria.
Durante e competencia aki lo conta cu presencia di Wenny, un hoben di 14 aña, e “Caribbean Drift Queen” di Boneiro. E categorianan di Faya Bo Haya 9 ta Scooter-Quad- Jr. Dragster-Go kart, Faya Bo Haya Bracket, Faya Bo Haya Bike, Faya Bo Haya Street, Faya Bo Haya Truck y Faya Bo Haya Bonus. Den e evento aki tin atraccionnan nobo manera esun di truck, pero Wenny tambe lo ta dunando show riba su quad.
Pa prome biaha den Faya Bo Haya tin e competencia di Demolition Derby y aki ta conta cu 3 auto di Demolition Derby di Corsou. E competencia di Demolition Derby lo ta entre Aruba y Corsou, pero tambe ta conta cu presencia di MC Monti.
Diabierna 6 di april e porta lo habri pa 4:00pm, pero e rond di cualificacion lo cuminsa pa 6:00pm, mientras entrada lo ta 15 florin pa adulto. Diasabra dia 7 di April porta lo habri pa 5:00pm, unda cu e rond di eliminacion lo cuminsa pa 5:00pm y e entrada lo ta 20 florin pa adulto.
Mas aleu Sr. Jason Geerman di Destroyer Racing splica cu por cumpra e pakete pa tur dos dia pa 25 florin, mientras cu entrada pa muchanan bou 12 aña ta 5 florin pa dia.
Por ultimo Sr. Jayson Geerman a gradici tur su sponsornan cu ta haci “Faya bo Haya 9” un realidad.