Na promer lugar nos ta yama danki na tur nos collectantenan cu ta aserca nos comunidad pa colecta fondonan necesario pa nos Fundacion, y tambe na cada un persona cu ta haci nan donacion na FAVI.
Nos accion di donacion anual ta e manera principal cu FAVI ta acerca nos comunidad pa contribui financiermente na nos Fundacion. FAVI tin su donado nan fiel cu ta contribui pa medio di nan colectante y tambe e donado cu tur aña ta pasa na FAVI pa haci su donación of ta haci un donacion via di banco.
E sosten financiero cu nos ta ricibi for di nos comunidad ta esencial pa nos. Sin e yudansa aki, nos no por sigui duna e servicio cu ta hopi importante pa esnan cu ta biba cu limitacion di bista, tanto mucha, hoben, adulto como tambe e adulto mayor den nos comunidad.
E aña aki ta un aña extra special pa FAVI, pasobra nos ta celebrando 50 aña di servicio na Aruba! Durante mey siglo, nos a dedica nos mes pa empodera y apoya esnan cu tin necesidad, y nos no por a logra esaki sin nos comunidad. Nos ta sigui wak dilanti pa 50 aña mas, contando ariba nos comunidad generoso.
Biba cu un limitacion di bista no ta facil. Tin retonan cu e persona cu limitacion di bista mester surpasa pa e por biba mas independiente cu ta posibel. Retonan na cas, retonan na trabao, retonan na scol y den e bida diario. FAVI tey pa yuda y guia personanan cu problema di bista pa nan por desaroya nan mes segun nan posibilidad. Brindando servicio di entre otro;
Chekeo di bista practico pa wak kiko e persona ta mira ainda pa asina aki nos por cuminsa cu e guia adapta na su necesidad.
guia den e uso di medionan auxiliar,
lesnan di computer, typeles, brailleles, les di cushina,
guia di trahado Social
guia di e terapista di revalidacion
Guia na e Muchanan na scol y studiantenan den tur tipo di educacion
Diferente actividad social,manera obra di man, les di gym etc.
Servicio di FAVI ta completamente gratis na su clientenan, esaki ta posibel danki na subsidio di Gobierno di Aruba, tur donacion cu FAVI ta ricibi di nos comunidad en general, y sigur tambe danki na e donacionnan di nos comerciantenan y nos clubnan di servicio.
Bo tambe ta cla pa haci bo donacion, esaki por den diferente forma:
Manda bo transfer via RBC-Royal Bank ariba nos number di cuenta 31.36. 6122
Manda bo transfer via Aruba Bank ariba nos number di cuenta 702.438.0290
Via di Pay.AW
Y awor tambe via di CXPAY online
Menciona den descripcion: Accion di donacion 2024
Pa cualkier pregunta sinti bo liber di tuma contacto cu FAVI na telefoon 582-5222 of 582-5051 of whatsapp nos na 560-9225 y laga bo mensahe
