Cu hopi entusiasmo, FAVI ta haci inicio na su accion di donacion pa aña 2016. Cu e meta pa recauda fondonan necesario pa asina FAVI por sigui brinda tur su servicionan, cubri su gastonan manera transportacion pa e clientenan (diesel, mantencion di busnan etc.), pa e actividadnan di cliente individual of den grupo, pa cumpra medionan auxiliar avansa pa e cliente por haci uso di dje pa e diferente lesnan, tambe pa cubri otro gastonan operacional. No ta nada facil ba biba cu un limitacion di bista. FAVI tey pa yuda y guia personanan cu problema di bista pa nan por desaroya nan mes segun nan posibilidad, pa nan por biba un bida mas independiente cu ta posibel.
E servicionan cu FAVI ta ofrece na e cliente cu problema di bista ta entre otro, chekeo di bista, guia den e uzo di medionan auxiliar, lesnan di computer, typeles, brailleles, les di cushina, grupo di conversacion. Banda di tur esaki tambe FAVI ta pone atencion na actividad social, manera FAVI-do (grupo di obra di man), les di gym etc.
FAVI su servicio na clientenan ta completamente gratis y esaki ta danki na e donacionnan cu FAVI ta ricibi tur aña di e comunidad di Aruba en general, comerciantenan y diferente club di servicio.
Durante di e mainta di 25 di augustus, FAVI ta entrega e listanan na e colectantenan pa asina akin an trabao cuminsa.
FAVI ta gradici tur colectante pa nan trabao y tur donador pa nan aporte valioso na nos trabao. Sin nan FAVI no por existi.
FAVI ta termina e articulo aki, stimulando abo pa bira un donado di FAVI y aporta na e accion di donacion. Pa mas informacion con pa bo bira un donado of pa cualkier otro informacion tocante di bista bo por yama oficina di FAVI na telefon 582-5222 of 582-5051 entre 8or am te cu 4or pm.
Pa haci un donacion na FAVI por haci esaki libremente ariba nos cuenta di banco RBC-Royal bank: 31.36.6122 :menciona accion di donacion 2016.
Di antemano masha danki pa Bo donacion.
- Latest
