Diabierna tabata un dia special pa Fatima College, ya cu despues di un paar di luna di trabao, a logra move dos trailer, uno chikito y uno grandi. Sr. Franklin Richardson, director di Fatima College ta splica.
E trailer aki lo wordo uza pa formacion musical di muchanan di eerste te cu zesde klas. Ta e intencin pa e klas mobil aki bira un klas multifuncional den futuro, unda cu tin momentonan pa musica, obra di man y por haci otro cosnan tambe. Despues di a combersa over di e proyecto cu Sr. Eddie de Veer, di ATCO, cu a duna un man pa yuda Fatima College. Asina pa e siguiente aña escolar lo por uza e local na un manera positivo.
Sr. Richardson a sigui splica cu e tabata un proceso cu a cuminsa di april, unda cua manda un carta pa minister di Educacion, splicando e di e plan, cual a wordo acorda door di e minister. E prome intencion tabata pa kibra e cura, pero a dicidi di hisa e trailer cu’n crane pa pas’e over di e cura di scol. Minister a cubri e gastonan die crane y SKOA a cubri e gastonan di transportacion.
Tur cos a cuminsa bou capa di Voz- i- Landia cu añanan largo a organisa festival pa mucha y den pasado tabata tin contratempo cu sponsor y a para. Awo e ta sigui y ta bayendo cu bon pia y hunto cu Amado Rosina a cuminsa e proyecto e tempo ey, bou Formacion Musical Enseñansa Basico, caminda cu tur mucha na scol a haya les di Formacion Musical. Maestronan a haya guia di Sr. Amado Rosina pa duna les y awo esaki ta Fase 3, pa tin e local multifuncional y asina brinda e muchanan e miho. Fase 4 lo ta ora cu tin e grupo chikito di mucha cu ta toca un instrument pa forma e muchanan bou capa di musica.
Si bo tin musica, e ta duna trankilidad nan e muchanan pa cu nan comportacion. Si bo tin musica den rooster of gym, e ta yuda e mucha yega na trankilidad su mes. E mucha ta bin cu su preocupacion di mes. Scol ta nan di dos cas y nan mester sa con pa deal cu esaki. Y esaki ta loke Fatima College/Fundacion Voz – i – Landia Escolar ta ofrece.