Farruko ta admiti culpabilidad den caso di trafico ilegal di 51 mil dollar cash

SANTO DOMINGO/SAN JUAN- Polemica ta bek un biaha mas den e bida di Farruko. Recientemente a bira conoci cu e cantante a declara su mes culpabel den e caso di trafico ilegal di placa cash.
Mester recorda cu aña pasa, Carlos E. Reyes Rosado, miho conoci como Farruko, a wordo deteni den e aeropuerto di Isla Grande pa no a declara di tabata tin 51 mil dollar den su poder.
E Boricua tabata tin e placa sconde den su maleta y den e zool di su sapato. Na final, e cantante a keda deteni pa 24 ora. E interprete a haya su libertad condicional despues di a paga un fiansa di 100 mil dollar.
E incidente a tuma luga na e yegada di e cantante a yega Puerto Rico despues di a pasa un para di dia na República Dominicana.
Segun e portal “La Opinión”, abogado di Farruko, Allan Rivera Fernandez, e artista a dicidi haci peticion na corte pa cambia su declaracion pa culpabel di acusacion di gaña autoridadnan federal.

Comments

comments