Den caso cu “no” gana den e plebiscito di dia 2 di October riba e acuerdo di paz seya entre e Gobierno Colombiano y FARc, pa e guerilla “no ta existi e mas minimo posibilidad” di renegosha esey, un di su lidernan, Luis Antonio Losada, Gallo, alias Carlos Antonio Lozada a afirma diahuebs.
“Loke a wordo acorda, ta acorda y punto,” “Lozada” a bisa den un rueda di prensa cu lidernan di FARC ta duna cada dia despues di e sesionnan di nan di Dies Conferencia Nacional cu a cuminsa dia 17 di September y caminda cu , previsiblemente, nan tin cu ratifica e acuerdo di paz.
E hefe guerillero tambe a afirma cu solamente nan lo cuminsa na despplasa pa e Zonanan Veredal di Transicion y Normalisacion (ZVTN), caminda cu e guerilleronan lo reuni manera cu a pasa prome cu nan desmobilisacin y e dehacion di arma, una bes cu aproba den e Congreso e proyecto di ley di amnistia premira den e acuerdo.
E proyecto legislativo ey ta supone e perdon huridico pa tur e delitonan cometi dentro di e conflicto y relaciona directamente cun’e.
Sin embargo, e miembronan di FARC cu a comete infraccion di e Statuto di Roma como delitonan di lesa humanidad, violacion of abusonan sexual, tortura of reclutamento infantil entre otro lo afronta pena te cu ocho aña di prizon.
Den e sesion di diahuebs di e conferencia, cu a extende te cu anochi pa por emiti diabierna, ultimo dia, nan conclusionnan defintivo, cinco comision cu ta compone e asamblea ya a publica e documento final.
Entre nan, ta loke a trata e conversion di FARC den un movimento politico.
Fuente: NTN24