Un video ta duna muestra di bida di e ekipo periodistico Ecuatoriano secuestra na e frontera cu Colombia, pa disidentenan di FARC. E periodistanan, Javier Ortega, Paúl Rivas y e presentador Efraín Segarra, ta duna detaye di e exigencianan di e captornan pa nan liberacion.
E video ta dura 22 seconde y e mensahe cu e periodista Javier Ortega, di 32 aña ta manda, ta duidelijk:
“Señor presidente Lenín Moreno, den bo man nos vida ta, loke nan kier ta e intercambio di nan tres compañeronan deteni na Ecuador y anula e acuerdo cu Ecuador tin cu Colombia pa caba cu terorismo.
Hunto cun’e den e grabacion, ta parece su compañeronan Paul Rivas, fotograaf di 45 aña y Efrain Segarra, conductor di 60 aña. El video a wordo haci publico pa un medio di comunicación di Colombia. E periodistanan tabata na cadena.
Famia di e ekipo periodistico di e corant El Comercio a haci nomber di nan sernan keri publico, kendenan a wordo secuestra dia 26 maart ultimo durante un cobertura na Mataje, provincia di Esmeraldas. Varios atentado a keda registra for di januari 2018, cu a costa vida di 3 militar y varios herido.
Den un segmento nobo difundi despues, e periodista Javier Ortega a bisa cu e captornan a bisanan cu “e secuestro di civilnan lo no stop. E atakenan riba militarnan den teritorio Ecuatoriano no lo stop, a menos cu e gobierno di Lenin Moreno no anula e acuerdo cu el a firma cu Colombia pa caba cu terorismo. Loke nan ta bisa nos ta cu Ecuador no mester mete su mes den un guera cu no ta di dje”.
Mientras tanto famia di e periodistanan ta sigui manifesta na den centro di Quito, reclamando su liberacion.
Riba rednan social e hashtag #NosFalta3 door di varios personalidad politico di Ecuador y varios medio a pidi respet pa e integridad di e personanan secuestra.
Fuente: http://www.ntn24.com