BOGOTA, Colombia – FARC, cu ta renegoshando di nobo un acuerdo di paz cu e Gobierno Colombiano, a denuncia diabierna cu cuater intergrante di un di nan frentenan cu tabata actua nort di e pais, a deserta for di nan fila, hortando placa y arma.
Frente 19 Jose Prudencio Padilla, di e Bloke Martin Caballero, a bisa den un comunicado publica riba internet, cu e desercionnan a sosode entre 30 di Augustus y dia 9 di October.
E informacion ta agrega cu e desertornan ta Edgardo Velasquez Yepes, alias “Freddy”, Lilibeth Vaca Sepulveda, alias “Tatiana”, David Tellez Noriega, alias “Hernando” y Leida Caceres Duarte, alias “Sonia.”
“E personahenan menciona, a horta arma y placa di e organisacion, por lo tanto, nos ta alerta e ganaderonan, comerciantenan y poblacion en general, pa no duna nan ningun colaboracion of acepta exigencianan den nomber di FARC-EP, pues ya nan no ta forma parti di nos movimiento,” e comunicado ta bisa.
Di e manera aki, e bloke a reitera cu nan lo sigui respeta e bahamento di arma bilateral, “manera cu a keda estableci desde dia 29 di Augustus entre e Gobierno nacional y nos organisacin cu motibo di e firma di e Acuerdo Final di Havana.”
E Colombianonan a rechasa e referendum dia 2 di October, e acuerdo di paz firma pa e Gobierno y FARC, dia 26 di September na Cartagena.
Desde e tempo ey, e Gobierno a mantene contacto cu e opositornan na e acuerdo pa busca formulanan cu ta permiti agrega na e texto e cambionan cu nan ta pidi un sector di e sociedad.
Fuente: NTN24