E autora Cubano Delia Fiallo, conoci como e mama di telenovelanan Latinoamericano, a fayece awe na Coral Gables, Miami, cu 96 aña di edad.
“El a fayece na paz y rondona di su sernan keri,” un di su yiunan a declara na Televisa, sin duna mas detaye.
Fiallo, kende dia 4 di juli lo mester a cumpli 97 aña, a haya fama internacional cu telenovelanan manera “Cristal”, “Topacio”, “El Privilegio de Amar” o “Esmeralda”, cu den decadanan di 70 y 80 a triunfa na televisionnan di Latino America y Spaña, pero tambe na otro partinan di mundo.
Fiallo a studia Filosofía y Letra na La Habana y a cuminsa skirbi guion pa novelanan di radio na e capital Cubano na 1949.
Na 1966 hunto cu su famia a bandona Cuba pa bay biba na Miami, unda cu el a traha como guionista di telenovela pa canalnan di Venezuela y Mexico.
Su prome telenovela pafo di Cuba tabata “Lucecita” cu a bay den aire na 1967; “Cristal”, emiti na 1985 y 1986, tabata e ultimo historia original cu el a skirbi.
Pafo di Venezuela, pais unda e no a bolbe desde eleccion di Hugo Chavez na 1998, unda cu el a skirbi algun di su miho melodramanan, entre nan Leonela, La Heredera, Esmeralda, su prome produccion na e pais ey, incluyendo Cristal.
Admiracion y tristesa
E actriz Venezolano Lupit Ferrer, kende ta biba na Miami, a expresa su tristesa pa fayecimento di Fiallo. El a bisa cu e tin su fama danki na Fiallo pa e rol cu el a hunga den Esmeralda. E tin un ruman muhe kende ta casa cu e unico yiu homber di e escritora Cubano, e psychiatra Bernardo Pascual.
