Internacional: E leyenda musical Mexicano Paquita la del Barrio, conoci pa su voz poderoso y defensa feroz di hende muher, a fayece na su cas na Veracruz dialuna madruga na edad di 77 aña.
Su fayecimento a keda anuncia riba su cuentanan oficial di medionan social y confirma pa su representantenan na The Associated Press. E capital estatal di Veracruz lo lamenta e perdida di e cantante iconico, kende a enfrenta un cantidad di problemanan di salud recien.
“Cu profundo dolor y tristeza nos ta confirma e fayecimento sensitivo di nos kerida ‘Paquita la del Barrio’ na su cas na Veracruz,” e comunicado a bisa. “E tabata un artista unico y irepitibel cu lo laga un marca indefinibel den curason di nos tur cu a conoce y a disfruta di su musica.”
Nasé Francisca Viveros Barradas, Paquita la del Barrio a capta e publico cu canticanan di kibramento di curason y traicion, incluyendo himnonan manera “Rata de dos patas” y “Tres veces te engañé.” Mientras cu su base di fanatico tabata predominantemente hende muhe, su presentacionnan poderoso tambe a atrae hende homber na su conciertonan.
Un nominado pa dos biaha pa Grammy y Latin Grammy, Paquita la del Barrio a ricibi reconocemento di henter e industria, incluyendo e Billboard Latin Music Award pa Lifetime Achievement na 2021, cu a wordo presenta na dje pa e superstrea Puertorriqueño Bad Bunny.
