Durante fin di siman cu ta tras di lomba e team di Aruba Family Connection a biaha pa Corsou cu 3 jr. dragster pa asina participa den Curacao Extreme Drag Fest 2017, cu tabata tin participacion di Colombia, Aruba, Corsou, Puerto Rico y Venezuela.
E prome anochi e coredor di mas chikito di Family Connection, esta Ayshelyn “Tutsie” Trimon, a core y a bai su prome careda y a logra bai cu e titulo di Sub-Campeon y Campeon a bai pa Jeannick Ras di JR Madness. Den e di dos anochi Ergie Curie a logra bai cu e titulo di Campeon y Jeannick a sali Sub- Campeon. E di tres dia, cu ta dia final Rygienne Curie ta marca mihor reaction time
y ta titula Campeon y lagando Tutsie como Sub- Campeon.
Mester remarca cu e muchanan a train duro durante siman pa asina logra un bon reaction time na ora di salida y esaki tabata e fruto di e resultadonan. Family Connection Team ta sumamente orguyoso di e muchanan y ta sigi pushanan den e deporte di drag race. Family Connection Racing Team kier a gradici Kuzeta Aruba –
Shell Helix pa kere den nos muchanan , danki na organisacion di Curacao Extreme Drag Fest pa e invitacion y last but not least danki na full e crew di Family Connection Racing Team cu a yuda pa asina e muchanan por a bay bon representa na Curacao Extreme Drag Fest 2017.