For di diasabra anochi tur piscado local cu conoce “Pau” a subi lama te cu marduga den area di Baho cu e frontera entre Aruba y Venezuela en buskeda di dje. Te hasta algun sambuyado a bay te na fondo algo di 80 pia bou di lama unda e amistadnan a lag’e ultimo ta tira pisca. Diadomingo 8 or mainta un grupo grandi a subi lama bay den e direccion y e sambuyadonan tambe local y conoci den nan e conocido Nacho. A bay te abou y a logra haya e boei y un speargun. Pero ta ser papia e otro speargun no a keda haya. Ta desconoci si porta coriente di abou por a bay cune mas leu di unda cu e boto y e amigonan a keda warde. Un grupo grandi di boto tambe a sigui busca den bisindario te hasta na e barconan cu ta ancra den awanan di internacional y di Aruba, pero sin ningun resultado.
Te hasta e famia y e señora a bay te na e punto di “baho” durante dia den boto pa e ta na altura di con e buskeda ta bayendo cu e botonan local. Manera un di e botonan local a informa ningun momento di ora cu nan a subi lama diasabra anochi te marduga y diadomingo mainta te atardi ningun presencia di guarda costa Venezolano y nada, ta nan den un grupo ta buscando y cu ayudo di algun tankero cu ta pasa den e area cu a keda notifica door di RCC Curacao. Polis maritimo di Cuerpo Policial Aruba tambe ta siguiendo esaki di cerca mucho no por haci pero si ta den coordinacion cu Kustwacht, y un supuesto contacto cu Guarda costa Venezolano.