Un cas di mas di 100 aña bieu a wordo basha abou door DOW. Esaki a tuma luga door di un firma haci pa un miembro di e famia, kende realmente no por dicidi pa tur hende, segun Marcel Alberto Rafini.
Segun el a splica cu nan a bin bis’e na cas cu nan ta bashando e cas di su welo abao. E persona cu a firma, segun Rafini, no tin derecho pa firma. Ta cinco ruman nan ta, un ruman muhe y cuater ruman homber. Ta trata aki di Famia Rafini y Rasmijn. Segun sr. Rafini, tur su cosnan a wordo perdi, nan a gewoon basha tur cos abao. Ningun hende no sa cu nan a bash’e abao. Un ruman homber tin e buki di tereno y pa por pasa e tereno of haci algo al respecto, ta tur e rumannan tin cu firma. E cas ta hopi bieu, segun Rafini. Te asina leu, su defunto omo Nicolas Rafini a fayece algun aña pasa y for di eynan e cas a keda su so. Pero sr. Alberto Rafini y un ruman muhe di dje, tabata tin cos warda eyden, pero lamentablemente cu no ta existi mas.
No tin problema
Te asina leu, segun sr. Rafini, no tin ningun problema, pero ta un miembro di famia so ta haciendo fastioso. Awor aki nan ta bay abogado y cana e caminda legal pa wak kico DOW ta bay haci. Esun cu a laga bashe tin cu paga pe. Tambe e luga no por coy. Tur hende, esta e rumannan, mester firma. E intencion ta pa haci e tereno limpi pa un famia di nan cu a bira dokter, pa bin traha su cas y traha su oficina di dokter. Aki dos aña e ta bin Aruba pa asina cuminsa cu su practica di dokter di cas. Awor aki nan ta bay hues pa drecha e asunto aki.