For di mayor y famianan di Axel Regimar Rudolf Croes, naci dia 31 di Juli 2002 (15 aña), mesa di redaccion di Masnoticia.com a bin compronde cu nan yiu y famia ta perdi na Hulanda, siendo den man y custodia di ‘Gecertificeerde Instelling’ antes ‘Jeugdbescherming’.
Polis na Hulanda a haci diferente huiszoeking na cas di famianan na Hulanda en busca di e menor.
Famianan na Aruba ta preocupa pa e paradero di Axel, mirando cu ningun instancia na Hulanda kier duna informacion tocante motibo ni paradero di Axel.
A tuma contacto cu Sra. Karin Groenewegen di Raad van Kinderbescherming kende a referi e reportero na e vocero oficial di Gecertificeerde instelling, Sr. Richard Bakker, kende no kier a duna mucho informacion pero si a confirma cu Axel Croes ta perdi for di 29 di Augustus 2017, anochi. Su mama mes via famia a bin haya sa cu su yiu ta perdi na Hulanda. E instancia mes no a tuma e molester di yama e mama pa inform’e tocante su yiu.
Ta pidi pa ken por sa di paradero di Axel Regimar Rudolf Croes naci 31 Juli 2002 (15 aña) pa tuma contacto cu polis na Rotterdam of Vlaardingen.