LA PAZ, Bolivia – Polis di Bolivia a detene e yiu, yerno y e prima di un muhe di 69 aña, kende a wordo vela ainda na bida den un funeraria y ministeri publico a acusanan di intento di “homicidio piadoso,” fuentenan oficial a informa awe.
E anciana, identifica como Carmen Pilar Ch., a wordo traslada diamar pa un funeraria di La Paz for di e Hospital del Torax, unda cu doktrnan a saca nan som despues di a atende pa un complicacion di varios malesa, segun investigacionnan policial.
Polis ta sospecha cu e famianan supuestamente tabata spera e morto di e muhe y pesey a lag’e na e funeraria.
E anciana a pasa anochi cubri cu un clechi riba un mesa prepara pa su curpa wordo inyecta cu formol.
E Fiscal Departamental di La Paz, Edwin Blanco, a bisa awe na medionan cu e famianan lo wordo acusa di homicidio piadoso, pasobra nan a dicidi warda e morto di e muhe den e funeraria, despues cu dokternan a bis’e cu pronto e lo muri.
Dos amiga di e muhe a afirma cu ora nan a acerca e funeraria pa dun’e su ultimo adios, el a cuminsa yora revelando cu ainda e ta na bida, pa cual su nan a pidi su famianan hib’e cas, pero e reclamo a wordo rechasa.
Polis a haci un operativo diamars pa rescata e muhe y a traslad’e na un otro hospital.
Tambe e administrador di e funeraria a wordo deteni door di a admiti e ingreso pa e velatorio di un persona sin cu e famia a presenta un certificado medico forense.
Fuente: www.efe.com