CALIFORNIA, Merca – E hefe di Facebook, Mar Zuckerberg (33), a bira pa di dos biaha tata. E baby yama August, e Mericano a laga sa riba Facebook.
Zuckerberg, kende di biaha a bay cu “vaderschapsverlof”, hunto cu su casa, Priscilla Chan, a skirbi un carta extenso pa nan yiu muhe. Eynan e mayornan ta bisa cu nan ta optimista cu e futuro y e generacion di nan yiu muhe. Nan ta spera riba un mundo cu menos malesa y mas igualdad, pero kier vooral pa August tin un bon hubentud.
“Lo bo ta druk ora cu bo bira mas grandi,’ e dosnan ta skirbi. “Mi ta spera cu lo bo tuma tempo pa hole e flornan y tur e blachinan cu bo kier hinca den un emmer.” Mark y Priscilla kier pa August dal mas hopi buelta den nan cas y hardin cu e kier. “Y mi ta spera cu bo drumi bon. Y hasta den bo soñonan bo sinti con hopi nos stimabo.”
“Bo ta biba bo infancia un solo biaha,” nan ta sigui. “Dos no preocupa riba bo futuro. Nos ta deseabo un bida yen di suerte, amor y e mesun speransa cu bo ta duna nos.”
Ruman muhe ta un regalo
Mark y Priscilla tin un yiu muhe caba. Maxima ta casi dos aña. Chan a haya anteriormente tres miskraam. “Mi no por pensa riba un regalo mas grandi pa tin un ruman muhe,” Zuckerberg a bisa bon cla ora cu su casa tabata na estado di Augustus. “Y mi ta asina contento cu Max y nos yiu nobo tin otro.” Zuckerberg tin tres ruman muhe, su casa tin dos.
Zuckerberg y Chan a laga sa despues di nacimento di nan prome yiu muhe cu 99 porciento di nan ingreso nan lo entrega na caridad. Nan a funda un compania apart, cu kier combati malesa. E ingreso di Zuckerberg y su casa ta wordo calcula riba 57.8 biyon di dollar, cu ta casi 55 biyon di Euro. Si nan duna 99 porciento, ainda nan tin 578 miyon euro pa nan por biba di dje.
Fuente: www.ad.nl